funcionarios e sindicatos
a ugeté e os de ceceoo suman entre ambos uns dous millóns de afiliados, dos cales a meirande parte son funcionarios de ese excelso grupo de tres millóns e pico que pululan pola pel de touro. cómo van ocuparse toxo e méndez dos casi cinco millóns de desempregados da industria auxiliar, do pequeno comercio, da agricultura ou dos autónomos? éstes son ( somos ) unha sorte de lumpen do século vinteún a quen distraer co fútbol e coas tertulias televisivas, con internet e ca guerra contra o terrorismo.
non me cabe dúbida de que sería unha honra, un honor, ser funcionario dun estado social, dun estado forte que mirase polos séus cidadáns e non os tratase coma súbditos ou como carnaza escrava, pero ser funcionario do estado español ou de calquera das súas franquicias autónomas é, por moito que lles pese a eses tres millóns e pico de seres pensantes e sentintes, unha desgracia e unha vergoña por que eles mesmos axudan a apuntalar un réximen corrupto alleo á vontade popular e transfórmanse en meras correas de transmisión do grande poder económico que manexa ó propio estado.
