josé blanco
parabéns para josé blanco por acadar un posto que, mirando para atrás sen ira o estilo osborne, nunca pensei lle estivese reservado cando, nas xuventudes socialistas, o alcumábamos por detrás chico benegas polo seu parecido co desagradable dirixente vasco que tanto tempo tivo liña directa co one.
certo que xa por entón sabía faxarse contra o sector sindicalista de narón e fene ou contra o grupo de varela cea cando uns e outros amenazaban o seu liderazgo, sostido con trampullas e manobras como a de inchalas listas de afiliados das demarcacións amigas para contar con máis delegados nos congresos e sacar a maioría sen despeinarse e sen o máis triste debate cando outros, moito máis ideoloxizados e coherentes, rompían as barbas en horas de sono e esmorga para alumar propostas que nunca foron tidas en conta.
ah, josé blanco, josé blanco...
estes cambios no executivo zapatero son un excelente exemplo da calidade da política neste cacho da península ibérica e un síntoma claro de que o pesoe xa ensaia o séu lugar na oposición nun futuro non moi lexano.
pero a eles dalles igual; teñen fabricado un estado bisagra co pepé e volverán esperar o seu ciclo, que o sol sempre sae polo este e ponse polo oeste e día a día todos van engordando a conta corrente.
pero, ó mellor, un día...
