dmitri medvédev e purgacións díaz na habana
coincide con medvedev e o séu séquito estes días na habana o purgacións díaz de san vicente de argozón que, ano sí ano non, cruza o charco para acrecentar tamén a súa bilateralidade co pobo caribeño, sobre todo co de sexo femenino.
ah, que mulleres, dime dende o outro extremo da mesa e detrás do fumeante prato de bacallau na bodega do senén. alí si que saben, non coma estas monas de aquí que, por encima de non saber nin foder, saltan coma pulgas cando lles mandas un piropo; a televisión fixo moito dano en galicia e as máis perxudicadas foron as mulleres.
e os dous mil anos de xudeocristianismo? eso tamén influiu de carallo, tercia o manolo.
hum, tamén, pero a tele é peor aínda. eso sí que é un veneno.
non creo que coincida moito este home ca comitiva rusa. e donde vas? o habana libre, o meliá cohiba? vas a varadero? ca, eu quédome con amigas, dime baixando a voz. non che me interesa o tropicana nin a bodeguita e, fóra da habana, sempre vou algunha vez a santiago, pero qué cona vou ir a varadero? eu non fago a ruta do turuta, levo uns cartolos e alargos para botar un mes ou un mes e pico. cumplir hai que cumplir, pero non o fan mellor os que van esparexendo ca carteira. eu vou pola mañán a plaza, regateo como en chantada ou máis, que non se pode un fiar dos negros e canto máis vellos máis ladróns; merco a galiña e as papas e facémolo zancocho na cociña da casa e logo botámola siesta e o que faga falta.
e tes moitas amigas?, interésase o vila.
algunhas, beh, aínda hai. paso uns días e logo, cando vexo que xa sobro ou que vai volvelo marido, marcho para outro lado. sobra onde ir, ho.
e non che queren diñeiro? insiste o vila.
diñeiro? diñeiro non hai, eso xa o poño claro ó chegar. cá. diñeiro? mecagonacorona. para mercar as pitas, o arroz e algo de ron. o porco xa nin se proba. algún ano teño perdido case dez quilos no viaxe.
quédase calado.
home, algo hai que deixarlles, para os rapaces e tal, pero a negra é moi viciosa. si lle das algo, na súa cabeciña debúxase automáticamente a posibilidade de logralo dobre; si empezas con moito fódete vivo. hai que soltar a pouco, coma ás galiñas.
come, come, dille o senén, enche o bandullo para levar boa reserva.
